جمال الروح

مرحبا بكم فى هذا العالم الصغير الذى يجمعنا سويا عبر الأتصالات حقا انه لشء ممتع ان تكون صلتك بالعالم من حولك قريبة جدا من خلال الانترنت جمال مرسال

Sunday, April 22, 2007


خــرج ولم يعــد

ابحثو معنا عن هذا الرجل ومن يجده... له مكافأه كبرى

الأسم : حسن أمين

المهنـــه : مهندس أتصالات
الطول : 1,80 سم
لون العيون : عسلى
الشكل : قمحــــــاوى
صلة القرابه : صديق العـمـــر منذ الطفوله

الموضوع

أحنا مجموعة أصدقاء منذ أن ترعرعنا سويا وذهب كل منا فى طريقــه
منا من تغرب ومنا من جلس يشق طريقه فى الحياة والحمدلله
لم نفترق أبدا ولم نحس بأننا تغربنا عن بعض لملاقاتنا سويا حتى أستقر بنا الأمر
الى الحياة فى بلدنا

واصبحنا سويا نتقابل كل يومين أوثلاثة حتى بعد أن تزوجنا وأصبح لدينا أطفال
ولم نستطع أن يعيش واحدا منا فى عزله لأن هذه الصداقه الجميله
ربطتنا وقيدتنا سويا مدى الحيـــاه نتذكر فيها أجمل أيام الصبا والشباب
ونحس عندما نكون مع بعض اننا مجموعة من الشباب الصغيرين نفعل ما يفعله الأطفــال
اما هذا الصديق الذى نبحث عنه اليوم كان معنا منذ شهور قليله وكان يجلس جلستنا
بعد أن قضى من العمر 15 عاما فى أمريكا واستقر به الأمر الى الحياه فى مصر
مع زوجته الأمريكيه وأبنته

وهو دائما محب للحياه فى مصر بلده حتى عندما كان مغتربـا فى أمريكا
كان التواصل بيننا شبه يوميا وجلس فى مصر اكثر من عامين سعيد بيننا
يعيش كل لحظة حلوة فى مصر وكان يحب الذهاب الى مراقيا للمصيف بأستمرار
وأحبت زوجته مصر وعاشت بيننا.. وبالمناسبه فهى مسلمه وأحبت الأسلام قبل أن تجىء الى مصر
ثم أحبت ايضا الفول المدمس والطعميه بتاعة الشبراوى والتابعى واحبت البقاء فى مصر...
وفى يوم من الأيام جاء الى صديقنا أمييل من الشركة التى كان يعمل فيها على مدار سنوات عديده
وطلبو منه الرجوع الى العمل لفترة قصيرة وذلك لأحتياجهم اليه كمهندس أستشارى
وتعاقد معهم على ثلاثة أشهر لاغير لأن زوجته رفضت الرجوع الى أمريكا وأرادت البقاء
فى مصر وطلبت منه الذهاب للعمل ثم الرجوع اليهم
وذهب للعمل وترك زوجته مؤقتا لفترة قصيرة وخاصة انها كانت مشغوله بالوظيفه
التى حصلت عليها فى مصر فهى تأخذ كل وقتها
ومضت الثلاث شهور الأولى ثم طلبو منه أضافة ثلاثة شهور أخرى فأضطر الى الموافقه
بعد المشاورة بيننا وبين زوجته أيضا حتى بدأ فى العمل
.. والآن ......باقى على نزوله من أمريكا شهر واحد فقط
ومن هنا بدات الحــيـــرة!!!!!!!! فقد طلبت منه الشــركة الجلوس لفترة أطول من سابقتها
وأعطوه فرصة للتفكير

ماشاء الله عليك يا باشمهندس فعلا انك تستحقها

ونحن كأصدقاء فخورين بأنك مهندس مصرى وتخرجت من الجامعات المصريه
يا حسن .. زوجتك فى أنتظارك على أحر من الجمر
وابنتك فى شوق الحنيــن الى رؤياك الغاليه
واحنا يا أبوعلى أصدقائك اصدقاء عمرك
حقيقى حقيقى مفتقدينك
بالله عليكم يا أخوانى ماذا يفعل حسن هل يجلس أم لا
احنا من جهتنا كأصدقاء نفسنا نشوفك وبعدين نفكر مع بعض
ماذا تفعل؟؟؟؟؟؟؟؟؟؟؟
شكرا ياجماعه الخير أزعجناكم ....خلاص ماحدش يبحث عن حسن

أخيــرا احنا وجدناه

هوا أهوو موجود أمامنا على ماسينجر الياهو

سلالالالالالالالالالام

Labels:

21 Comments:

  • At 8:27 PM, Blogger مـحـمـد مـفـيـد said…

    كم انت رائع ووفي لاصدقاءك يا استاذي

     
  • At 3:09 PM, Blogger hamasat said…

    صداقة بهذه الروعه يفتقدها الكثيرون
    برافو عليك لمحاولة شد صديقك للعودة من حين لاخر الحياة في امريكا باحسها زي الغول اللي قال عليه جدو بتفضل تجري وتجري من غير ما تحس ولا عندك وقت تفكر نهاية جريك ايه وفي النهايه بتفوق دي اذا فوقت برضه علي ان عمرك ضاع متغرب وتتنشق لاحضان اهلك واصحابك تدوب شويه من جليد الغربه اللي غطاك

     
  • At 3:13 PM, Blogger hamasat said…

    جمال علي فكرة نسيت اقولك انا عندي خمس اولاد صبيان اكبرهم زوجي الحبيب ويقال اني افسدته بكثرة الدلال وبعدين عندي اعمار 13 وما ادراك بسن المراهقه في امريكا,11 ,8واخيرا 5 وانت عندك اولاد ايه بقي وفيهم عرايس ينفعوا للغيلان اللي عندي؟

     
  • At 5:55 PM, Blogger gohayna said…

    بجد نادر لما نلاقي صداقه بالشكل دا وتفضل مستمره


    ربنا يسعدكوا يارب

    تحياتي

     
  • At 1:43 PM, Blogger gamal said…

    الأستاذ مجمد

    والله يأستاذ محمد الصداقه الحقيقيه شىء رائع
    أكرمك الله
    تحياتى

     
  • At 1:51 PM, Blogger gamal said…

    همســـــات
    والله عنك حق ... الغربه غول فعلا بتسرق عمر الواحد مننا وبتضيع أحلى سنين عمره
    بالمناسبه أنا عندى عروسه حلوه اسمها بسمه وطالعة الأولى فى المدرسة فى سنه رابعه أبتدائى.. عمرها 10 سنوات
    وعندى عريس أسمه كامل متفوق أيضا فى المدرسه .. وعمرة 9 سنوات
    والحمدالله على كدة

     
  • At 1:57 PM, Blogger gamal said…

    Gohayna
    شكرا على حضورك الجميل ومشاركتك
    الصداقه الحقيقيه هى روح الحياه بالنسبه لنا جميعا
    وياريت نقدر أهميتها
    لكى تحياتى

     
  • At 6:43 PM, Blogger hamasat said…

    جمال ربنا يحميهم لك العروسه نحجزها انا متاكدة ان واحد من الاتنين الكبار ها يعجبها والعريس بقي امره لله ندور له بقي
    تحياتي لك ولهم

     
  • At 11:08 PM, Anonymous Anonymous said…

    Gamal,

    Shokran 3ala elkalam dah ya gimmy wa en kont ma-astahloosh. sadakatak lee a3taz wa afta7'r beeha. wa shokran le-gamee3 al-mo3alekeen fe el-blog beta3k...we dah men el-asbab elly me7'aleany atamask be-rogoo3y masr(2alb we roo7 elmasry mesh mawgooda fe el3alem koloh.
    mesh 7a tekdar te7'las meny belsehola de...yom 28 mayo ashofak fe elmatar.

    Hasan Amin

     
  • At 5:05 PM, Blogger david santos said…

    Thanks for you work and have a good weekend

     
  • At 8:27 PM, Blogger Marian said…

    I wish I could read exactly what this entry says, but Hassan told me in general what you wrote about. Thank you so much for this blog entry. The longer I am in Egypt, the less I want to return to the US. Egyptians are the most welcoming people in the world, willing to help anyone at anytime.

     
  • At 10:26 AM, Blogger bastokka طهقانة said…

    احنا بندور على بعض في صحن الحياة
    و كلنا تايهين
    ما بين لقمة العيش و العيال
    يا ريت نلاقي بعض زي ما لقيت صاحبك

    فرصة سعيدة
    اوروفوار

     
  • At 12:28 PM, Blogger gamal said…

    همســــات
    انا سعيد بمعرفتك
    ولكى كل التحيه



    حسن أمين
    لاشكر بين الأصدقاء
    نحن فى شدة الشوق لأستقبالك يوم 28 مايه حفظك الله ورعاك

     
  • At 12:31 PM, Blogger gamal said…

    M. David
    Thank you for your comment

     
  • At 12:38 PM, Blogger gamal said…

    Marian,
    alsalam alaykom.
    Thank you for your comment, you are now one of us just like Hasan and we are looking forword for him to come back to us
    soon and we will be waiting for his arrival on May 28 enshaALLHA
    with you
    and as usual if you need anything please let us know
    salaam

     
  • At 12:43 PM, Blogger gamal said…

    طهقـــانه
    شكرا لتعليقك الجميل والمعبر
    انا سعيد بزيارتك
    لكى كل التحيه

     
  • At 1:17 PM, Blogger bocycat said…

    حلو اوى الموضوع ده انا واحدة من الناس مفتقدة الصداقة اللى بجد تحياتى لك ولأصدقائك وربنا يديمها عليكم الصداقة دى

     
  • At 3:57 PM, Blogger gamal said…

    bocycat
    شكرا لزيارتك الجميله
    ولكى كل التحــيــة

     
  • At 10:00 AM, Blogger Medhat said…

    السلام عليكم شكرا يا أستاذ جمال على الكلامات الجميلة التى تعبر عن الصداقة الحقيقية . فعلا الصداقة اهم شىء فى الموجود هى التى تعطى للحياة معنى وطعم . لذا أرجو منك ومن أصحابك الأفاضلة أن تقنعوة بالنزول نهائيا وعدم الرجوع للغربة التى أخذت شبابة وعمرة ويعيش بين زوجتة الجميلة وابنتة التى تحتاجة وتشتاق الية وأصحابة الرائعين بالأحساس والحب ودفىء المعاملة . فعلا هو لو رجع ودة من رأى حيخسر جلوسة بين أصحابة وأخواتة وعائلتة وأهلة وأحساسة الجميل بيهم وهم أيضا أكيد مفتقدينة بدرجة عالية جدا . فأرجو من حسن التفكير فى الرجوع نهائيا لان فعلا كل شخص كبير أم صغير محتاجة . وربنا يوفقة للصواب .

    داليا أمين

     
  • At 7:13 PM, Anonymous gamal said…

    الأستاذه داليــــا
    أولا: لقد تشرفت واسعدت بزيارتك للبلوج وتعليقك على الموضوع بالأخص
    حقيقى الغربة سرقت كتير من عمـرنا
    ولكن مازالت الفرصه متاحة للبقاء بين أولادنا وأصدقائنا وأحبائنا
    ان شاء الله يرجع لنا بالسلامة
    لكى كل التحيه والتقدير

     
  • At 3:21 AM, Blogger arabprof said…

    يا استاذ جمال ممكن ترد علي. انا اضفتك عالفيسبوك وواضح انك ما بتقرأش الفيسبوك او ترفض اضافتي للفيسبوك. عندي لك سؤال مهم ولكن لا يمكن عرضة هنا. افضل تكتبلي عالايميل بتاعي وشكرا ايميلي بظهر في اسفل الصفحة وللتسهيل ايميلي Ltcsara@yahoo.com
    وشكرا

     

Post a Comment

Links to this post:

Create a Link

<< Home