خــواطـر من الذكـريــات
وحيــــاة الحب يادنيـــــــــا
يا دنيا ليه سبتى العوازل يفرحوا ويشوفو فينا يوم الفراق
يادنيا ليه فرقتى مابين قلبين كانو أكتر من العشاق
والحب اللى بنوه فى سنين فرقتيه يادنيا فى أيام
وحياة الحب يادنيا ترحمى العشاق
وترجعى أحلى اللقا بعد الفراق
وحياة الحب يا دنيــا
******
نهار وليل حزين بيعدى علينا
دموع وسهر الأنين بيمر بينا
ليه سيبنا الدنيا تتحكم فينا
وتاخدنا بين الأشواك وتلعب بينا
واتحيرنا أكتر ما احنا حيارة
وأتعذبنا أكتر ما احنا سهارى
كل دة علشان الدنيا تلعب بينا
ليه ليه يادنيا تفرحى فينا
وحياة الحب يادنيا ترحمى العشاق
وترجعى أحلى اللقا بعدالفراق
وحياة الحب يا دنيـــا
*******
ظلمونا العشاق ظلمونا وافتكرونا نسينا زمان
وخدونا بعيد وخدونا وفكرونا بأيام زمان
أحنا اتخلقنا يا دنيا علشان نعيش
أحنا جينا الدنيا علشان نحب
ازاى نعيش وازاى نحب
فى دنيا عايشة بتغدر بينا
ننسى الدنيا بكل مافيها
ولا نعيش نستنى الدنيا
يمكن ترحم ... يمكن تعشق
يمكن تحب كل العشاق
لما تروح تعيش حواليهم
وتشوف حياتهم وكل ما فيها
وحياة الحب يادنيا ترحمى العشاق
وترجعى أحلى اللقا بعد الفراق
وحياة الحب يادنيا
Labels: خــواطر مدفـونـة خرجت مع الزمن
posted by gamal @ 10:15 PM
4 Comments:
At 1:08 AM,
voice of love said…
ليه مسحة الحزن والألم دى ؟؟
يارب تكون بخير
عيد حب سعيد
تحياتى
At 5:05 AM,
hamasat said…
كل واحد مننا جواه مسحة حزن والم ولكن بامكاننا ان نحولها لذكري لا تطغي علي حاضرنا الجميل وكل زمن ومرحلة فيها الجميل وفيها اللي بيوجع نحاول نبص للنص المليان ونستمتع بالجميل من كل مرحلة في حياتنا
At 2:33 PM,
gamal said…
voice of love
لكى كل التقدير لزيارتنا وحمدالله على سلامتك
انها مسحة حزن قديمة وخاطرة خطرت على بالى من أيام الزمن الجميل
ولكنى أبشرك اننى بخير وسعيد حاليا بأولادى الصغيرين وزوجتى العزيزة أطال الله عمرها وحفظها
انها مجرد خاطرة
لكى تحياتى
At 2:42 PM,
gamal said…
hamasat
يشرفنى زيارتك هذه وارجو ان لاتكون أخر مرة
أجمل لحظات عمرنا ان نتذكر الماضى حتى لو كنا فى أسعد أيامنا هذه
سوف أذهب على الفور لأعرف من هى hamsat
لكى تقديرى وتحياتى
Post a Comment
<< Home