جمال الروح

مرحبا بكم فى هذا العالم الصغير الذى يجمعنا سويا عبر الأتصالات حقا انه لشء ممتع ان تكون صلتك بالعالم من حولك قريبة جدا من خلال الانترنت جمال مرسال

Friday, April 06, 2007


حوار صريح جدا

gamal : أهلا انت جيت
gamal : كل سنه وانت طيب
Ehab Basta: وانت طيب ياجمال يا حبيبى
Ehab Basta: وانت طيب وشكرا ً على المعايدة الرقيقة منك ,,,,,
gamal : انت حبيبي ونورعينى يأيهاب
gamal : انت أتغديت
Ehab Basta:بتلعب على النت والا بتقرأ حاجة معينة
gamal : الأثنين
gamal : ثوانى أولع النور
Ehab Basta: ما شاء الله إنك لمتمكن !!!!!
Ehab Basta: نورك كفاية
gamal : ماتفتح السماعة علشان ايدى بتوجعنى من الكتابه
Ehab Basta: حسن أمين مظهرش النهاردة خالص ما تعرفش أخباره ؟؟؟
gamal : تقريبا أجازة
Ehab Basta: دقيقة لما أركب المايك .......
gamal : شعبولا حجز لحسن سيارة أسبرانزا
gamal : المايك بياخد وقت كبير فى تركيبه لييييييه؟
Ehab Basta: ألف مبروك عقبالك إنشاء الله ليه ما بتفكرش فى الموضوع ؟؟؟
Ehab Basta: السيارة اصبحت من الضروريات هذه الأيام
gamal : انا عايز اشترى طياره
gamal : علشان أطير فوق السحاب
Ehab Basta: ياعم خليك متواضع
gamal : هو الطير فوق السحاب تكبر والعياذ بالله
Ehab Basta: سحاب أيه ياعم هوه إنت طايل الأرض
Ehab Basta: ما فيهاش تكبر لكن إنزل إلى أرض الواقع
gamal : علشان مش طايل الأرض فالسحاب أفضل لأنها فيها متسع للجميع
Ehab Basta: فلسفة مش ها تعجب عيالك لأنهم ها يعوزوا سيارة للتحرك مستقبلاً
gamal : لونزلت لأرض الوقع المفروض اشترى توك توك
gamal : حتى التوك توك مش واقعى قوى أشترى حمارة أفضل
Ehab Basta: وماله ما دام بيتحرك وبيقصر الطرق وبيبعدك
عن الأحتكاك بالناس لأنه فيه الحلو وفيه الوحش
gamal : ولا أقوللك الحمارة برضه غاليه خلينى أشترى عجله
Ehab Basta: لعلمك الحمار النهاردة أغلى من التوك توك
gamal : مانا قلت عجله أفضل
Ehab Basta: والعجلة وسيلة مش بطالة ولكنها فردية وإنت بتحب الجو العائلى
gamal : ثوانى يا باشا
Ehab Basta: براحتك
gamal : أيوة ركبت السماعة
Ehab Basta: طب نتصل ونشوف النتيجة أيه
Ehab Basta: حاول تتصل تانى
Ehab Basta: الماسنجر فصل فجأة مش عارف ليه ؟؟؟
gamal : بتحصل كتير ينفصل ويرجع عادى يعنى ماتاخدش فى بالك
والبقيه تأتى

ياترى نشترى الحمارة ولا التوك توك ؟

مش عارف انا احترت"""""""


Labels:

11 Comments:

  • At 3:46 PM, Anonymous Anonymous said…

    Enta ma3ndaksh ro7'sah....Ana aftekr el 7omara afdal lak ya gimmy...momken tegebha full option we bel takseet men el tawkeel...we matensash te7ot stiker el shortah 3ala el barabrez el warany
    3alashan feh legan keteer delwakty..we kaman ana momken neshtarek kolena we ngeeb barda3ah nos 3omr kedah...yalla ya 3am...

    Hasan Amin

     
  • At 4:15 PM, Blogger hamasat said…

    جمال الحماره اامن انت مش سامع الحوادث الكتير في العربيات والطيارات؟
    وبعدين الحماره مور فن(more fun)للاولاد
    انا اولادي ها يتجننوا عليها
    تحياتي

     
  • At 5:56 PM, Blogger smraa alnil said…

    حمار ايه وعجلة ايه وتوك توك ايه
    جري ايه يا عم جمال ايه الاحلام دي
    تحخيل بقي ان الوسائل دي بقت احلام بجد

    خليك في ارض الواقع زي ما صاحبك قالك
    اديها ميكروبصات واتوبيسات ومترو الانفاق

    او موتورجل اهو هيبقي اوقع

     
  • At 7:05 PM, Blogger gamal said…

    Hasan
    كل سنه وانت طيب يا راجل ياعجوز
    وشكرا على النصايح الجميله ده بخصوص الحماره
    تفتكر ان الرخصه طلوعها للحمار صعب فى مصر؟
    انا مضطر انتظرك لما ترجع لنا بالسلامة وتساعدنا فى الرخصة
    شكرا لتعليقك

     
  • At 7:22 PM, Blogger gamal said…

    همسات
    انا سعيد بأن ثورة الغضب تلاشت وارجو الله ان تكون الأمور مستقرةاما بخصوص الحمار اتضح انه له أهميه كبيرة فى حياتنا
    وطالما أولادك ح يتجننوا عليه فأنا صممت أنى أشترى واحد بالتقسيط المريح
    حسب رأى الأغلبيه

     
  • At 7:32 PM, Blogger gamal said…

    مالك ياسمـراء
    فيه حد مزعلك ؟.. وبعدين انتى ليه بتكرهى الحمار ؟
    الحمار ده مش كان ليه أفضال كتيييير فى حياتنا
    انا خلاص تعبت ياسمرا وماأقدرش أركب مواصلات زى زمان... ومحتاج حاجة تريحنى
    فيها ايه لما أشترى حماره تشيل عنى شويه

    عندك مانع؟
    انا دايما سعيد بحوارك ياسمرا
    لكى تحياتى وتقديرى

     
  • At 9:05 PM, Blogger hamasat said…

    الاخ جمال مش عارفه اشكرك ازاي
    ها تقسط عشانا كمان لا ياعم اذا ربنا كتبلنازيارة مصر نبقي نسدد لك
    اما ثورة الغضب فلم تتلاشي لكنني احاول جاهده ان اخمدها لاني ما بحبش النكد كتير وخوفا من هجوم الاكتئاب الذي لا عودة منه
    شكرا علي تواجدكم اخوة لنا نعين بعضنا بعضا علي هموم الدنيا المتزايدة
    تحياتي

     
  • At 1:50 AM, Blogger ضـوء الـقـمر said…

    مالو اوتبيس 11 (رجلك يعني )اهو اضمن والله التوك توك دلوقتي فيه حوادث كتير والحمارة كمان كام سنه هيسحبوها عشان هتبقة مظهر غير حضاري :)

     
  • At 6:15 AM, Blogger Heba Al_Menshawy said…

    هههههههههه
    ارشح الحمارة
    اولا الحمارة ذكية ... واكتشفوا انها اذكى حيوان
    ثانيا مش هتتعبك في التصليح لو باظت ولا حصل فيها اي عطل زي التوك توك
    ثالثا: مش هتعمل حوادث كتير زي ما بنسمع عن التوك توك

    تحياتي
    :)

     
  • At 5:02 PM, Blogger gamal said…

    همسات
    انا اللى بأشكرك جدا على متابعتك وشكرا لانك حتسددينى القسط لما ترجعى بالسلامة
    الحاجة التانيه انك مش بتحبى النكد ودة شىء جميل ومبشر بالخير وربنا يجعلك دائما فى حالة انبساط وسعادة
    لكى تحياتى


    ضوء القمر

    انا بقى لى سنوات عديدة يأستخدم أوتوبيس 11
    وجيه على الوقت اللى لازم استريح فيه واشترى الحمارة خلونا نتمتع شويه ولا أيه رأيكم؟
    شكرا على زيارتكم
    ولكم تحياتى

     
  • At 5:19 PM, Blogger gamal said…

    يا مرحبا يا مرحبا
    هبه المنشاوى تزورنا
    انا حقيقى سعيد بزيارتك يا هبه
    شفتى قدأيه الحمـــارة مهمة ازاى وقدأيه ذكيه وممكن توصلنى للبيت منغير ما أقولها
    وكمان مش مكلفة من ناحية الأعطال والتصليحات
    وبتاكل بنزين أقل تكلفه
    شكرا جدا على زيارتك الجميلة
    تحياتى

     

Post a Comment

<< Home